خدمات الجامعة
رابطة قدامى الأساتذة
أخبار الجامعة
وظائف
العلاقات الخارجية
المكتبة
للاتصال
بريد إلكتروني
اطلاق الاندية الطلابية في كلية الفنون الجميلة والعمارة الفرع الثالث في الجامعة اللبنانية
الدكتور عصام عبيد (مدير الفنون الجميلة والعمارة الفرع الثالث في الجامعة اللبنانية):
جرى إطلاق 21 نادي يختص بعدة أمور بالفن والبيئة وحقوق الإنسان والمجتمع وتنمية الموارد البشرية والتكنولوجيا والـ AI والـ Animation إلى آخره بكلية الفنون الجميلة والعمارة الفرع الثالث إفساحاً للمجال الطلاب يعبروا عن مهاراتهم وعن إبداعاتهم حتى يتكامل هذا عمل الأندية مع المقررات اللي بيأخدوها وليعطوا الصورة راقية عن كلية الفنون الجميلة والعمارة بالجامعة اللبنانية".
الدكتور عادل الحلاق (المدير الأسبق لكلية الهندسة الفرع الأول):
هذه النوادي اللي أطلقناها اليوم وعددها 20 نادي فيها 600 طالب مش أول مرة سابقاً صار فيه تجربة من هالنوع بكلية الهندسة وفيه نوادي نشيطة وما زالت تعمل وهي فاتحة جو جيد جداً داخل الكلية نحن عم نحاول أنه هالشي يكون موجود بكل الجامعة اللبنانية إن شاء الله ويكون فيه نوادي تقدر تجمع عمل الطلاب بشكل عام.
شهادات الطلاب:
"بتمنى أنه يكون فعال على مستوى الجامعة ويرتقي بمستواها الأكاديمي وبتمنى كمان أنه يكون فعّال بمدينة طرابلس مدينة اللي نحنا فيها الفرع ثالث ونقدر نعمل مشاريع وإقتراحات نقدمها للبلديات أو المؤسسات المسؤولة لحتى نرتقي بالمدينة ونكون عم نعمل عنجد أثر بهيدا المجتمع".
"نادي الرياضة حيتقسم لأقسام فوق التقسيم تبعه حيكون فيه Community كبيرة للرياضة حيكون فيه groupe رياضة لكل نوع: للـ Basket، Football، ركوب الخيل، Volleyball اللي هني، حيكون فيه كتير رياضات أنتو بتقترحوها وأنتو اللي بتشتركو فيها وبتعيشوها حسب قديش أنتو اقبالكن ع كل رياضة".
"صراحة نحنا هلق وخلال هذه المناقشة للنوادي لقيت أنه ما فيه ولا نادي عم يطلع على الأشياء النفسية فاقترحت نادي إسا ما اخترنا الاسم على المظبوط فهو كل شيء بيعنى بكل شيء له علاقة بالـArt Therapy وبالمهارات الحياتية اللي ممكن الطلاب يستفيدوا منها بحياتن".
"أنا رئيسة نادي الرقص في التعبير الحركي فتحت هيدا النادي لأنه أنا شخص بيرقص من 15 سنة وحابة انقل خبرتي للـmembers اللي معي بالـ Club وبتمنى نضوي الضو على الرقص أكتر بمجتمعنا العربي".
"أنا سارة الرفاعي رئيسة نادي التراث التقافي حبيت أعمل هيدا الـClub كرمال نسلط الضوء على التراث اللبناني كونو هلق أغلب الشباب بيجي لليوم وكثير عم يبعدوا عن هيدا الموضوع وحيكون فيه نشاطات كثير حلوة بهيدا الـClub عن التراث اللبناني رحالات، رح نحتفل بعيد الاستقلال أكيد بطريقة كثير حلوة ورح يكون فيه موقع إلكتروني لهيدا الـClub رح نكون عم نحط فيه كل الفيديوهات الصغيرة والأماكن التراثية الكبيرة بلبنان تنشجع السياحة المحلية فيها ونعمق أكتر تعلقهم بالتراث اللبناني".
"اليسار عبد الرحمن تلميذة Graphic سنة ثانية رئيسة نادي السينما والفيديو Art، هيدا الـClub كثير مهم يكون بكليتنا لأنه بيخول الطالب أنه يتعلم كيف التكوين اللوني والإضاءة والزوايا ممكن يعبروا عن مشاعر أو أفكار معينة هيدا الشي بينمي الحس البصري والإبداعي عند الطالب وبيخليه يشوف الفن من منظور أوسع وبيجمع بين الصورة والصوت والحركة".
"وأنا رؤى حلاق رئيسة نادي الشطرنج وألعاب الطاولة في الجامعة اللبنانية يهدف هيدا النادي لخلق بيئة جامعية تجمع من التفكير الاستراتيجي روح المنافسة وتطوير الذات رؤيتنا هي أنه يكون النادي مساحة يتعلم فيها الطالب كيف يخطط يحلل ويواجه التحديات بعقل هادئ ومنطقي".
